يا مصر عبدالسلام أبواليزيد الحو

يا مصر ياللي ترابك زعفران
ونسمتك عنبر
وطيبك مسك مالي الارض
ووردك فل
بينور
يا ست الكل
انتي وبس ست الكل
في عز الحر بتكوني
جناح الضل
أعيش حاسس بكل الخير
وانا في حضنك
ولو فكرت يوم ابعد
بدون ماشعر
تضيع روحي
وتتدمر


كلمات : عبدالسلام أبواليزيد الحو

إهداء الي أخي الصغير :عمرو أبواليزيد الحو

تيجي نغني
نلقي الدنيا
تغني معانا
نلقي الكون
مبسوط ويانا
نطير ف العلالي
نلف الصحاري
وتبقي السما
الليلادي سمانا
........
تيجي نألف
غنوة للبشر
تيجي نغني
ونناجي الشجر
ونصحي الورود
من نومها المعهود
ونسهر ليلتنا
علي ضي القمر
ويحلي سهرنا
بأجمل غنانا
........
تيجي نمشي
فوق السحاب
تيجي نعدي
ستار الضباب
ندوس عالغيوم
ونرمي الهموم
و مهما تعبنا
غنانا دوانا
.....